ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្ត្រីវាយតម្លៃខ្ពស់នូវកិច្ចប្រជុំរដ្ឋមន្ត្រីការពារជាតិអាស៊ាន

  • ចុះផ្សាយថ្ងៃទី២២ ខែមិថុនា ឆ្នាំ២០២២ ម៉ោង ១៦:២៦ នាទី ដោយ Hun Sirivadh
  • 1862
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានស្វាគមន៍ និងវាយតម្លៃខ្ពស់ចំពោះកិច្ចប្រជុំរដ្ឋមន្ត្រីអាស៊ានដែលបានបញ្ចប់ទៅនឹងថ្ងៃពុធ ទី២២ ខែមិថុនានេះ និងបានជូនពររដ្ឋមន្ត្រីការពារជាតិប្រទេសអាស៊ានទាំងអស់ទទួលបាននូវសេចក្ដីរីករាយក្នុងការស្នាក់នៅកម្ពុជានឹងនាំទៅវិញនូវអនុស្សាវរីយ៍ល្អៗវិញផងដែរ។

ក្នុងជំនួបរវាងសម្ដេចតេជោ ហ៊ុន សែន និងប្រតិភូរដ្ឋមន្ត្រីការពារជាតិអាស៊ានដឹកនាំដោយលោក Dato Paduka Seri Haji Awang Halbi bin Haji Mohd Yussof នៅវិមានសន្ដិភាពនៅរសៀលនេះ លោក Dato Yussof បានវាយតម្លៃខ្ពស់ចំពោះភាពដឹកនាំរបស់សម្ដេចតេជោក្នុងនាមប្រធានអាស៊ាន និងបានជម្រាបជូនសម្ដេចតេជោអំពីលទ្ធផលនៃកិច្ចប្រជុំការពារជាតិអាស៊ានដែលទទួលបានលទ្ធផលជាទីពេញចិត្ត។

សម្ដេចតេជោ ហ៊ុន សែន បានអរគុណដល់លោក Yussof ដែលបានរាយការណ៍ជួនសម្ដេច និងបានស្វាគមន៍វាយតម្លៃខ្ពស់នូវការសម្របសម្រួលឱ្យមានកិច្ចប្រជុំរដ្ឋមន្ត្រីក្រសួងការពារជាតិអាស៊ាន១០ និងកិច្ចប្រឹងប្រែងរបស់រដ្ឋមន្ត្រីការពារជាតិទាំងអស់ដែលនាំឱ្យកិច្ចប្រជុំរដ្ឋមន្ត្រីការពារជាតិទទួលបានជោគជ័យ។

កម្ពុជាទទួលរៀបចំធ្វើជាម្ចាស់ផ្ទះ នៃកិច្ចប្រជុំរដ្ឋមន្ត្រីការពារជាតិអាស៊ាន, កិច្ចប្រជុំពាក់ព័ន្ធឆ្នាំ២០២២ កិច្ចប្រជុំរដ្ឋមន្ត្រីការពារជាតិអាស៊ាន លើកទី១៦ (16th ADMM) ចាប់ពីថ្ងៃទី២១ ដល់ថ្ងៃទី២២ ខែមិថុនា ឆ្នាំ២០២២។

ថ្លែងនៅក្នុងសន្និសីទសារព័ត៌មានស្ដីពីលទ្ធផលនៃកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ (16th ADMM) រដ្ឋមន្ត្រីការពារជាតិ សម្តេចពិជ័យសេនា ទៀ បាញ់ បានឱ្យដឹងថា អង្គប្រជុំបានអនុម័តឯកសារទស្សនៈទានចំនួន៣ ដែលផ្តួចផ្តើមដោយកម្ពុជារួមមាន ឯកសារទស្សនៈទានស្តីពីការលើកកម្ពស់សហប្រតិបត្តិការណ៍កងទ័ពបណ្តារប្រទេសអាស៊ាន ក្នុងការទប់ស្កាត់ជំងឺរាតត្បាត ការលើកកម្ពស់យន្តការណ៍គាំទ្រសម្រាប់ស្ត្រីរក្សាសន្តិភាពអាស៊ាន និងឯកសារទស្សនៈទានស្តីពីការបង្កើតកិច្ចសហប្រតិបត្តិការណ៍ស្ថានប័នអប់រំយោធាអាស៊ាន។

បន្ថែមពីនេះ អង្គប្រជុំក៏បានអនុម័តនូវឯកសារចក្ខុវិស័យស្តីពីតួនាទីការពារជាតិ ក្នុងការគាំទ្រស្តារឡើងវិញក្រោយកូវីដ-១៩ ដែលផ្តួចផ្តើមនិងរៀបចំដោយសិង្ហបុរី និងកម្ពុជា ឯកសារលក្ខខណ្ឌប្រតិបត្តិនៃមជ្ឍមណ្ឌលឧត្តមភាពព័ត៌មានសន្តិសុខ ព័ត៌មានវិទ្យា ដែលចងក្រងដោយសិង្ហបុរី។

ជាមួយគ្នានេះសម្តេចប្រមុខការពារជាតិក៏បានលើកឡើងពីនយោបាយឈ្នះៗរបស់កម្ពុជាដែលនាំមកនូវសន្តិភាពដ៏ពេញលេញមួយរបស់ព្រះរាជាណាចក្រកម្ពុជា៕ 

PHOTO: KOK KY

ព័ត៌មានជាច្រើនទៀតសម្រាប់អ្នក